Minutat finale të derbit ndaj Torinos rezultuan të hidhura për portierin e Juventus, Shezni. Pas një përplasje në zonë me Masinën, polaku mbeti i dëmtuar në hundë me mjekët që morën disa minuta për t’i ndalur hemoragjinë në hundë 33-vjeçarit. Pas sfidës, trajneri Alegri u shpreh se Shezni mund të kishte pësuar frakturë në hundë.
Dhe, në fakt më e keqja u konfirmua vetëm disa orë më pas, me portierin kishte pësuar frakturë në dy vende të hundës. Polaku iu nënshtrua menjëherë ndërhyrjes kirurgjikale dhe për momentin nuk bëhet ende e ditur koha e rikuperimit. Te Juventus, shpresojnë që ta kenë gati sa më shpejt të jetë e mundur për këto ndeshje të fund sezonit, ndoshta edhe duke i përshtatur një maskë mbrojtëse.
