Një ngjare monstruoze ka ndodhur në Pakistan, ku sipas mediave të huaja një baba “monstër” ka vrarë djalin e tij i cili ishte vetëm 12 vjeç.
Mësohet se i vogli nuk mundi t’i përgjigjej pyetjeve në lidhje me detyrat e tij në shkollë, dhe kaq ka mjaftuar që babai i tij të kryejë aktin e tmerrshëm.
12-vjeçari Shaheer Khan pësoi djegie të rënda më 14 shtator dhe u dërgua me urgjencë në spital, por nuk mundi të shpëtonte dhe ndërroi jetë dy ditë më vonë.
Babai i tij, Nazir, thuhet se ka derdhur vajguri mbi djalin e tij dhe ka ndezur një shkrepëse në përpjekje për ta trembur djalin që të kryente detyrat e shtëpisë, por situata e zjarrit doli jashtë kontrollit dhe fëmija u përshi i gjithi nga flakët.
Duke dëgjuar britmat e djalit të saj, nëna Shazia hyri në dhomë dhe të dy prindërit hodhën batanije dhe rroba mbi fëmijën e djegur në një përpjekje të dëshpëruar për të shuar flakët, por përpjekjet e tyre nuk mjaftuan për ta shpëtuar.
Policia arrestoi të atin e djalit të nesërmen dhe ai do të qëndrojë në paraburgim deri në seancën gjyqësore më 24 shtator.
Nazir thuhet se pranoi krimin e tij pasi u arrestua pasi gruaja e tij ngriti një çështje kundër tij pas vdekjes së djalit.
