Mesfushori i Manchester United, Paul Pogba, u kthye te Juventus të premten për t’u sjellë dhurata luksoze të gjithëve ish-shokëve të skuadrës. Sipas “Tuttosport”, Pogba mori avantazhin e një dite të lirë dje, te “djajtë e kuq”, për të fluturuar përsëri drejt Torinos dhe për të marrë të gjitha gjërat e tij. Transferimi rekord botëror u ka sjellë dhurata të shtrenjta, që besohet të jenë ora “Rolex”, të gjithë ish-shokëve të skuadrës, drejtorëve dhe stafit të klubit bardhezi. Pogba nuk ishte kthyer në Torino që nga përfundimi i sezonit 2015-2016 në Seria A.