Pezullimi i rektorit Koni, Boçi: Vendim antikushtetues, minon autonominë universitare

15/04/2019 - 17:18

Për PD, pezullimi i rektorit Mynyr Koni është antikushtetues. Në një deklaratë për mediat nga selia blu, ish-deputeti Luçiano Boçi tha se marrja e këtij vendimi pa u shprehur Presidenti, minon autonominë universitare.

DEKLARATË E LUÇIANO BOÇIT:

Ministrja fatkeqësisht e Arsimit, Besa Shahini, i ka vënë minat autonomisë universitare, me një vendim tjetër të paligjshëm, që tregon padurimin për të zëvendësuar në mënyrë antikushtetuese rektorin e Universitetit të Tiranës me militantë partiakë apo pazarxhinj të pushtetit. 

Me të drejtë, shumë kolegë nga bota universitare dhe nga politika po thonë se Edi Rama po kërkon të bëjë sot me Universitetin e Tiranës atë që nuk mundi ta bënte dot me Shullazin 3 vjet më parë, për të vendosur nën kontroll politik çdo hallkë të Universitetit  të Tiranës. 

Jo vetëm vendimi i djeshëm i Besa Shahinit për pezullimin e rektorit është antikushtetues dhe i paligjshëm, por edhe vendimi i sotëm i Ministres fatkeqësisht të Arsimit, është në kundërshtim flagrant me Ligjin për Arsimin e Lartë. 

Komandimi i një rektori të ri, pa pritur vendimin e Presidentit, është në shkelje të plotë të Kushtetutës dhe të ligjit. Ligji nuk ia jep Ministres këtë kompetencë. 

Në asnjë nen të Ligjit të Arsimit të Lartë, i cili rregullon autonominë e universiteteve, që nga procedura e zgjedhjes dhe deri tek ndërprerja e parakohshme e mandatit të rektorëve, nuk flitet për të drejtën e ministrit të arsimit për të komanduar rektorin e ri. Sipas nenit 39, pika 10, të cituar në Urdhrin e pezullimit, Ministri i propozon Presidentit shkarkimin e Rektorit. Në rast mos shprehjeje nga ana e tij, për një muaj shpall zgjedhjet.

Pra, Ligji nuk parashikon asnjë komandim dhe asnjë ekzekutim shkarkimi, pa fjalën e Presidentit.

Nxitimi për të thelluar paligjshmërinë nga Ministrja fatkeqësisht e Arsimit, tregon padurimin e Edi Ramës për të vendosur nën kontroll të plotë universitetin më të madh në vend, duke komanduar një rektor fallco.  

Për të marrë nën kontroll Universitetin,  Rama po  shfrytëzon edhe mungesën e Gjykatës Kushtetuese, siç po bën për çdo akt me të cilin vjedh dhe dhunon shqiptarët. 

Për këtë vendim të paligjshëm, Ministrja fatkeqësisht e Arsimit duhet të ishte shkarkuar menjëherë. Mbrojtja e saj tregon se projekti për kapjen e Universitetit të Tiranës është projekt i Edi Ramës. 

Me shullazët e rinj në krye të Ministrisë së Arsimit dhe të Universitetit të Tiranës, Edi Rama mund të vjedhë ndonjë tender apo pronë të Universitetit, por nuk ka për t’ia dalë që t’i mbyllë gojën pedagogëve dhe studentëve!

/portali DurresLajm/

Na bëni like në facebook!: 

Lajme nga e njëjta kategori

Kryeministri Edi Rama ka reaguar pas lajmit se Shqipëria nuk do të hapë negociatat në qershor, por do të pritet tetori.

Brukseli pritet ta shtyjë për në vjeshtë hapjen e negociatave me Shqipërinë dhe Maqedoninë e Veriut.

Një ditë pas përgjimeve të publikuara nga dosja 184 të prokurorisë për blerjen e votave në zgjedhjet e parakohshme lokale në Dibër, në “B

Një ditë pas thirrjes në Prokurori lidhur me lobimin ne SHBA, sot ish-sekretar i përgjithshëm i PD, Arben Ristani është paraqitur pranë o

Kryeministri Edi Rama i është përgjigjur shqetësimit të presidentit Ilir Meta rreth rikthimit të vizave për vendin tonë.

Ish-deputeti i PD Enkelejd Alibeaj në një deklaratë për mediat ka komentuar 7 përgjime nga 16 gjithsej që tashmë janë bërë publike.

Komisioni Qendror i Zgjedhjeve me anë të një deklarate për mediat bën me dije se dekreti i presidentit Ilir Meta është ineksistent.

Në një deklaratë të shpërndarë nga presidenca, bëhet me dije se Presidenti Ilir Meta ka ndjekur me vëmendje të gjitha qëndrimet dhe disku

Kandidatja e Bindjes Demokratike, Valbona Sakollari shprehet e indinjuar nga përmbajtja e përgjimeve të publikuara të hënën nga e përdits