Porti i Durrësit: 327 anije me 1,12 milionë tonë mallra vetëm në dy nga Terminalet

09/10/2019 - 12:14

Më shumë se 1,12 milionë tonë mallra janë përpunuar gjatë 9-mujorit të parë të këtij viti nga 327 anijet e akostuara në dy Terminalet e dedikuara përpunimit të mallrave në portin e Durrësit.

Nga të dhënat statistikore, mësohet se në Terminalin Perëndimor që administrohet nga Autoriteti Portual janë përpunuar nga anijet afro 582 mijë tonë mallra, pjesa më e madhe e të cilave mallra importi. Në këtë Terminal janë përpunuar 218 anije me mallra importi dhe eksporti, si grurë, melaminë, xhama, plehra kimike, hekur, gurë mermeri, llamarinë, etj.

Ndërkaq në Terminalin Lindor gjatë periudhës janar-shtator janë përpunuar 109 anije gjithsej, me afro 540 mijë ton mallra të ndryshme. Nga burimet statistikore mësohet se në Terminalin Lindor janë përpunuar 129,125 ton mallra për eksport, kryesisht çimento “made in Albania”.

Gjatë periudhës janar-shtator të këtij viti në të dy këto Terminale janë përpunuar 140 mijë tonë mallra importi me drejtim për në Kosovë.

Të dhënat e plota mbi përpunimin e mallrave në portin e Durrësit gjatë periudhës janar-shtator 2019 do të mësohen pas paraqitjes së volumeve të mallrave edhe në Terminalin e Kontejnerëve dhe Terminalin e Trageteve.

/portali DurresLajm/

Na bëni like në facebook!: 

Lajme nga e njëjta kategori

Autoriteti Portual Durrës ka zhvilluar një konferencë këtë të premte, teksa është prezantuar studimi që propozon implementimin e një plat

Sokol Sula ka dhënë dorëheqjen nga detyra e drejtorit të Forcave të Sigurisë Portuale, në portin e Durrësit.

Hapja e pikës doganore të Kosovës në Portin e Durrësit të Shqipërisë, sipas autoriteteve në Prishtinë, ka ndikuar në rritjen e importit t

Autoriteti Portual Durrës ka njoftuar shpalljen e një vendi vakant për Drejtor, në Drejtorinë e Forcës së Sigurisë Portuale Durrës.

Objektet e zbuluara në ujrat detare pranë Durrësit së shpejti do të vendosen së bashku në Muzeun Arkeologjik, i cili kohët e fundit ka ma

Turistët nga SHBA, Franca dhe Gjermania kanë qenë vizitorët më të shumtë me kroçera në portin e Durrësit.

Situata e paqëndrueshme meteorologjike, e cila vazhdon të jetë prezente në Gjirin e Durrësit, ka ndikuar edhe në veprimtarinë e Portit të

Kapitaneria e Portit të Durrësit njofton se për shkak të motit të paqëndrueshëm që ka përfshirë Adriatikun Jugor, janë krijuar vonesa në

-Më shumë anije, tragete, kroçera dhe jahte se një vit më parë...

Autoriteti Portual Durrës ka shpallur vend vakant për punonjës sigurie, në Drejtorinë e Forcës së Sigurisë Portuale Durrës.