TIRANE, 21 mars 2013 – Policia e Tiranës arrestoi sot një 34-vjeçar, i cili akuzohet për shfrytëzimin e katër fëmijëve të mitur, me qëllim që ata të vidhnin e të lypnin në rrugë.
Policia bën të ditur se në pranga ka rënë shtetasi Shpëtim Kovaci.
Të njëjtat burime konfirmojnë se 34-vjeçari shfrytëzonte 4 të miturit, mes tyre edhe një vajzë, për të lypur në rrugët e Tiranës, por edhe për të vjedhur.
Kanë qenë efektivët e komisariatit numër 4 ata që vunë në pranga tutorin e fëmijëve, ndërsa të miturit janë dërguar në një qendër rehabilitimi.
/m.b. Agjencia e Lajmeve "Dyrrah"/
