Raportuesja e Kosovës në Parlamentin Europian, Viola von Cramon ka deklaruar se “ushtria digjitale e Vetëvendosjes” po kufizon lirinë e shprehjes.
Teksa ka shpërndarë në platformën “X” një artikull të “Balkan Insight”, Cramon citon se në Kosovë, “ish-anëtarët e partisë në pushtet Vetëvendosje kanë konfirmuar ekzistencën e një ushtrie dixhitale për të shpërndarë informacione dhe për të targetuar ata që kanë qëndrime të kundërta’.
“Faleminderit për këtë pjesë të rëndësishme. Më të vërtetë ushtria digjitale e Vetëvendosjes kufizon lirinë e shprehjes”, ka shkruar Von Cramon krahas artikullit.
The growing use by Balkan governments, including Kosovo’s, of ‘digital vigilantes’ to smear and harass critics and opponents online is contaminating the digital space and eroding press freedom.
— Balkan Insight (@BalkanInsight) March 26, 2024
Read more 👇https://t.co/GZKVj5VnAX pic.twitter.com/2Z1b4Sx12C
Edhe më herët Cramon është përfshirë në një replikë me zëdhënësin e Qeverisë së Kosovës për këtë çështje. Ajo tha se ‘robotë’ të Qeverisë së Kosovës në internet po sulmonin asistentin e saj serb, Gjorgje Bojoviç.
“Qeveria jonë kurrë nuk është përfshirë dhe nuk do të përfshihej në abuzim me pushtetin duke sponsorizuar sulmuesit në internet. I mohojmë akuzat nga Viola von Cramon me të cilën komunikojmë rregullisht përmes kanaleve zyrtare. I bëjmë thirrje asaj dhe të tjerëve që të mos mbështesin teoritë e konspiracionit kundër një qeverie demokratike”, ka thënë në përgjigje zëdhënësi i qeverisë, Përparim Kryeziu.