Konferenca e shtypit pas garës së djeshme të Moto GP të zhvilluar në pistën e Misano, ka dhuruar të tjera emocione, sidomos në momentin e debatit mes dy pilotëve të Yamaha, Valentino Rossi e Jorge Lorenzo. Dy shokët e skuadrës, edhe për pak muaj, kanë akuzuar njëri-tjetrin për parakalimin që Rossi bëri ndaj Lorenzos në xhirot e para. “Ishe shumë agresiv në pistë, nuk kishte nevojë të më parakalonte në atë mënyrë në pistë. Ky është stili i tij, ndërsa pilotët e tjerë nuk e bëjnë në atë mënyrë parakalimin. Nëse nuk do të kisha ndryshuar trajektore do të ishim përplasur të dy”, tha Lorenzo. I menjëhershëm reagimi i Rossit, që replikoi ndaj këtij komenti të shokut të skuadrës. “Nuk është e vërtetë ajo që thua, mjafton të shohësh pamjet televizive dhe do të kuptosh që e ke gabim. Atëherë, çfarë dueht ët them unë për parakalimin e Marquez në Silverstone. Mos harro, se edhe ti parakalon po në të njëjtën manyrë agresive në pistë”, ka qenë komenti i Valentino Rossit në konferencën e shtypit pas garës. Dy pilotët e Yamaha ndaheshin nga Dani Pedrosa me Honda, që fitoi garën, ndërsa Rossi doli i dyti dhe Lorenzo i treti. Dnrsa kryesuesi i Moto GP, Marc Marquez, u rendit i katërti.