Qeveria shqiptare ka miratuar vendimin për rritjen e pagave dhe pensioneve.
Ministrja e Ekonomisë dhe Financave, Delina Ibrahimaj në një deklaratë për mediat tha se rroga miminale do të ishte në nivelin e 34 mijë lekëve, ndërsa pensionet do të rriten me 9.5%.
Ibarahimaj shtoi se nga ky vendim përfitonin plot 900 mijë qytetarë.
Delina Ibrahimaj: Me këtë indeksim të dytë ne e cojmë rritjen e pensioneve në nivelin 9.5% në krahasim me pensioneve që merreshin në fund të vitit të kaluar. Përfitojnë 678 mijë pensionistë. Ky vendim hyn në efekt që me pensionin e muajit shtator.
Morëm një vendim sa si përket rritjes së pagës minimale në shkallë vendi. Në prill, e rritën nga 30 mijë në 32 mijë. Me vendimin e sotëm paga do të jetë 34 mijë lekë dhe ky është një vendim që prek 200 mijë të punësuar. Në total kemi rreth 900 mijë qytetarë shqiptare që përfitojnë nga rritja e pensioneve dhe pagave.
