Në epokën digjitale ku telefoni është bërë një pjesë e pandashme e jetës sonë të përditshme, shumë përdorues vazhdojnë të bëjnë gabime të zakonshme që, pa e kuptuar, ndikojnë negativisht në jetëgjatësinë e baterisë.

Ekspertët rekomandojnë që karikimi i telefonit të mos bëhet rregullisht nga 0% në 100%. Për të ruajtur performancën dhe jetëgjatësinë e baterisë, niveli optimal është ta mbani karikimin midis 20% dhe 80%.

Gabimet më të zakonshme që dëmtojnë baterinë përfshijnë:

  • Mbajtja e telefonit të lidhur në karikues gjatë gjithë natës
  • Përdorimi i karikuesve jo origjinalë
  • Ekspozimi në temperatura të larta gjatë karikimit
  • Përdorimi i mbulesave të trasha që pengojnë ftohjen e pajisjes

Gjithashtu, një mit që ka nisur të rrëzohet është ideja se telefoni duhet të shkarkohet plotësisht herë pas here. Kjo mund të ketë qenë e vlefshme për teknologjinë e vjetër të baterive, por nuk vlen për bateritë moderne me litium-jon.

A është e dëmshme karikimi gjatë natës?

Shumica e telefonave inteligjentë ndalojnë automatikisht karikimin kur arrijnë 100%. Megjithatë, mbajtja e pajisjes në këtë nivel për orë të gjata, çdo natë dhe për muaj me radhë, mund të ulë jetëgjatësinë e baterisë me kalimin e kohës.