Në Filadelfia të Shteteve të Bashkuara një tren ka dalë nga binarët. Mediat raportojnë se deri më tani janë raportuar për dy të vdekur dhe dhjetëra të tjerë janë plagosur. Sipas autoriteteve vendase, treni i kompanisë Amtrak 89 ishte nisur nga Nju Jorku drejt Savanës, në Gjeorgjia, kur ka goditur një ekskavator. Sipas informacioneve të para, në bordin e trenit ndodheshin 341 pasagjerë dhe shtatë anëtarë ekuipazhi. Ndërkohë, që të gjitha shërbimet e Amtrak në linjën Nju Jork – Filadelfia janë pezulluar.