Policia e Lipjanit  ka shoqëruar shtatë persona pas një rrahjeje në aeroportin “Adem Jashari”, në Kosovë.

Zëdhënësja e Policisë për rajonin e Prishtinës, Flora Ahmeti, tha për Gazetën Express se dy persona kanë pësuar lëndime dhe kanë marrë trajtim mjekësor.

“Sot kemi pranuar informatën për një rrahje në APN, ku kanë qenë të përfshirë disa persona, prej të cilëve dy persona kanë pësuar lëndime trupore dhe të njëjtëve u është ofruar trajtim i nevojshëm mjekësor”, tha Ahmeti.