ELBASAN, 10 nëntor 2013- Makina e kreut të FRESSH-it të Elbasanit, Vangjel Ranxa ka shpërthyer si pasojë e vendosjes së një sasie lënde plasëse. Makinës me targa angleze MK57MKU , në pronësi të kreut të FRESSH-it, Vangjel Ranxa i është vënë një sasi tritoli në pjesën e përparme, duke i shkaktuar disa dëmtime. Ngjarja ka ndodhur pasdite në një nga rrugicat e lagjes ku banon Ranxa.Nga shpërthimi nuk ka persona të lënduar, ndërkohë që policia e cila ndodhet në vendngjarje po heton rrethanat dhe motivet e shpërthimit.