Mozzik i ka dhënë përgjigje pyetjes së madhe se kur do të publikohet kënga e shumëpritur me Elvanën. Kjo këngë, e cila do të jetë e para e publikuar nga albumi i dytë i artistit, “LamboZiki” bëri xhiron e rrjetit me pjesën e shkurtër të publikuar nga këngëtarja.
“27 Janar n’ora 00:00”, ka shkruar Mozzik në foton ku ka lajmëruar publikimin e “S’ka”.
Në foto reperi është shfaqur i veshur tërësisht në të zeza duke i lënë vëmendjen aksesorëve. Syze të tejdukshme, një zinxhir me një stemë të madhe rrethore dhe ora janë detajet e para që bien në sy.
Tani fansat e artistëve, e kanë një orar se kur do të dëgjojnë këngën që pritet të shndërrohet në hitin e radhës…
