Sot më 7 gusht, është afati i fundit për konstituimin e Kuvendit të Kosovës.
Vetëm një ditë më parë, deputetët bënë betimin e tyre. Kryeministri, Albin Kurti, kërkoi më shumë kohë për bisedime.
Sipas tij, janë të domosdoshme bisedimet me subjektet politike me qëllim arritjen e një marrëveshjeje për një president të ri unifikues.
Kurti ka qenë në bisedime me Lidhjen Demokratike të Kosovës, por deri tani nuk ka pasur dakordësi.
Ai ftoi për bisedime Partinë Demokratike të Kosovës dhe Aleancën, të cilat e kanë refuzuar deri tani, duke zgjedhur të qëndrojnë në opozitë.
Partitë parlamentare kanë rreth 2 muaj kohë për ta zgjedhur presidentin, ose vendi shkon sërish në zgjedhje.
