Shkëmbi: Kështu si humbim ne, fundi i botës. Lojtarët jashtë forme, nuk dimë të luftojmë për fitore

15/04/2019 - 11:09

Trajneri i Teutës, Bledi Shkëmbi, u duk i zhgënjyer pas humbjes me Tiranën, ku deklaroi:

Tjetër humbje, si e patë këtë paraqitje?

Të humbasësh asnjëherë nuk është fundi botës, por kështu si humbim ne, ndoshta është fundi i botës. Ishte një ndeshje e shëmtuar, ku në asnjë moment nuk ishim në lojë. Një ndeshje ku nuk patëm dëshirën minimale për të luftuar apo fituar. Gjëja më e thjeshtë është që të luftojmë, por ne na ka humbur kjo pjesë.

Çfarë duhet korrigjuar në ndeshjet e radhës? Sulmi nuk po shënon…

E drejtë, mendoj se kemi shumë probleme si skuadër në tërësi. Kemi shumë lojtarë jashtë forme, kjo na bën të vuajmë në fushë, dhe nuk jemi të gatshëm psikologjikisht për ta luajtur një ndeshje.

Çfarë thonë lojtarët kur e kanë kaq të vështirë të përgjigjen në fushë?

Të ishte futbolli me fjalë, do ishim të gjithë kampionë. Nga unë i pari dhe futbollistët, nuk duhet të thonë asgjë. Të vrapojmë në fushë, dhe të fitojmë. Kemi thënë shumë fjalë, por asgjë nuk kemi fituar. Unë dhe lojtarët duhet të bëjmë më shumë. Problemi psikologjik e sjellin rezultatet negative. Duhet të jemi të fortë psikologjikisht të bëjmë ndeshje të mira e të fitojmë.

Provuat gati çdo emër, vuani shumë në linjën e mbrojtjes, por edhe e gjithë faza defensive…

E vërtetë, Tirana ishte më e freskët, por e thashë që nuk është fundi i botës të humbësh një ndeshje, apo nga Tirana. Jam dakord se mund të them që punojmë, ndërrojmë emrat, por në fund e di që është përgjegjësi e imja. Ndoshta nga jashtë i shikoni më qetë dhe më mirë, por ta them sinqerisht më vjen vështirë të them që futbollistët e mi kanë frikë nga humbja dhe të vazhdojnë të gabojnë. Futbolli ka një gjë të mirë, që i tregon në fushë, por ne nuk po tregojmë asgjë.

A ka klauzola penalizuese kur bëhen paraqitje të tilla? Kur flasim për lojtarë që nuk luftojnë, a kanë një problem me autoritetin tënd, të një trajneri të ri?

Pavarësisht se si luajnë futbollistët veteranë, unë nuk heq asnjë presje. Në stërvitje ata janë shëmbuj, se si sillen me mua, apo njëri-tjetrin. Nuk dua alibi, që të gjej gabimet në këto gjëra. Për sa i përket kontratave, kemi edhe ne penalitete nëse nuk arrijmë europën.

/portali DurresLajm/

Na bëni like në facebook!: 

Lajme nga e njëjta kategori

Tjetër kapitull në ndeshjet e trukuara në kampionatin spanjoll.

Një lajm i bujshëm është duke qarkulluar në këtë periudhë të nxehtë merkatoje.

Një incident i rëndë u regjistrua në ndeshjen e djeshme mes Serbisë U-21 dhe Austrisë U-21 të vlefshme për Kampionatin Europian të 21-vje

Iu bashkua Teutës në muajin janari, si një nga afrimet më të bujshme, por eksperienca e Armando Vajushit me bregdetarët zgjati vetëm pak

Pasi përfundoi periudhën e huazimit te Lugano, Armando Sadiku nga grumbullimi i kombëtares shqiptare bëri me dije se pas pushimeve do të

Ende pa e bërë prezantimin e tij, media italiane jep detaje se Mauricio Sarri ka pranuar Juventusin, por ndërkohë ka bërë vetëm dy kërkes

Kleis Bozhanaj është talenti shqiptar që kanë përfunduar në listën e dëshirave nga skuadrat më të mëdha europiane.

Mohamed Salah ka refuzuar shansin për t’iu bashkuar Realit të Madridit dhe Juventusit këtë verë, por ai do të marrë në konsideratë të ard

Bledi Shkëmbi është i lumtur që pas një sezoni të suksesshëm në krye të Teutës u shpërblye nga drejtuesit me rinovim të kontratës.Trajner