Juventusi dhe PSG-ja gati të shkëmbejnë lojtarët

26/01/2020 - 15:00

Juventusi është vetëm një hap larg blerjes së Levin Kurzavës nga PSG-ja, në një shkëmbim shitjeje kokë më kokë me Matia De Shiljon, e cila në të njëjtën kohë do t’u sillte një plusvalencë shumë të rëndësishme në bilanc kampionëve të Italisë.

Edhe pse lajmi në fjalë është një përpjekje që vazhdon prej tri ditësh, ndoshta indicia më e rëndësishme që nënvizon se ky shkëmbim është në detajet e fundit, është dhënë direkt nga trajneri i PSG-së, Tomas Tuhel, i cili përveçse nuk e ka grumbulluar Kurzavën për ndeshjen e sotme me Lilën, shton: “Situata se çfarë do të ndodhë me Levinin nuk është aspak e qartë. Personalisht kam dhënë aprovimin tim për një shkëmbim me De Shiljon, prandaj çështja mbetet e hapur. Dhe duke qenë se Kurzava është në mes të një tratative, ishte normale që të mos e grumbulloja për Lilën”.

Nga ana tjetër, edhe homologu bardhezi i Tuhelit, Mauricio Sarri, ka zgjedhur të bëjë të njëjtën gjë me Matia De Shiljon, ndonëse në korsitë anësore nga krahët, në dispozicion për Napolin ka vetëm Aleks Sandron dhe Kuadradon. Të gjitha këto lëvizje edhe nga ana e dy trajnerëve bëjnë të kuptohet se gjithçka pritet të finalizohet me sukses, pse jo brenda ditës së sotme, ose maksimumi nesër (të hënën).

Juventusi dhe PSG-ja duket se kanë rënë dakord që shkëmbimin kokë më kokë, por me shitje definitive, ta vlerësojnë mbi bazën e 25 milionë eurove, për secilin prej lojtarëve. Ky vlerësim është një lëvizje shumë e zgjuar, mbi të gjitha nga ana e kampionëve të Italisë, të cilët me kalimin e De Shiljos në Paris do të kishin një plusvalencë prej 19 milionësh, duke qenë se në bilancin aktual, kartoni i ish-mbrojtësit të Milanit “peshon” 6 milionë euro.

/portali DurresLajm/

Na bëni like në facebook!: 

Lajme nga e njëjta kategori

Qesharake ajo që ka ndodhur me provimin e gjuhës italiane që dha disa ditë më parë Luis Suarez.

Talenti shqiptar Kristian Dervishi është zyrtarisht pjesë e Interit.

Totenhemi nuk e pati të lehtë mbrëmjen e djeshme ndaj Shkëndijes së Tetovës, megjithatë në fund fitoi me rezultatin 1-3.

Rei Manaj nuk ka më vend te Barcelona dhe këtë klubi katalanas ia ka bërë të qartë duke e lënë jashtë listës së të grumbulluarve për përg

“Ata thonë se ajo që nuk të vret të bën më të fortë … Ja ku jemi, me dëshirën e madhe që të kthehemi më të fortë se kurrë!Me anë të këtij

Massimiliano Allegri, i gatshëm të marrë drejtimin e Romës pikërisht tani që pronarët Friedkin kanë dyshime serioze për Fonsecan.

Mjaftoi vetëm një sezon për të kuptuar se sa shumë vlerësim kanë për njëri-tjetrin Antonio Conte dhe Romelu Lukaku.

Teuta bën goditjen e radhës në merkato dhe sërish “peshkon” lojtarë që kanë një të kaluar me Vllazninë.

Paolo Maldini ka zbuluar se Milani nuk e ka me nxitim për të rinovuar me Xhanluigji Donarumën, por gjithashtu pranon se kuqezinjtë duhet