Një video po qarkullon në rjetet sociale e cila tregon momentin kur një tendë e ngritur në ish-bazën e NATO-s në Bagnoli të Napolit, u përkul nga erërat e forta dhe u shemb brenda pak sekondave.

Sipas mediave të huaja, vendi i ngjarjes ishte bosh në kohën e shembjes dhe nuk pati të lënduar. Megjithatë, dëmet e shkaktuara në objekt janë të konsiderueshme.

Pavarësisht incidentit, organizatorët e eventit po punojnë për të riparuar dëmet dhe sigurojnë që programi do të zhvillohet si zakonisht, duke filluar me Festivalin e Tingujve Alien të planifikuar për të shtunën, 4 korrik dhe të dielën, 5 korrik.