Një turiste amerikane ka përjetuar një histori tragjike në Tajlandë.  Hannah Gavios “ka parë vdekjen me sy”, pasi një person që u vetëofrua ta ndihmonte,tentoi ta përdhunojë. 23- vjeçarja ishte në një rezort në Tajlandë dhe kishte dëshirë të vizitonte zonën, por personi që iu ofrua për ndihmë në xhungël tentoi ta përdhunonte. Ajo ka provuar të ikë e të shpëtojë prej tij, por është përplasur në një shkëmb, rrëzuar e si pasojë ka pasur dëmtime shumë të mëdha në shpinë. 28-vjeçari e pranoi sulmin ndaj vajzës dhe po përballet me akuzën për tentativë për përdhunim.