Teuta vijon përgatitjet në Pogradec, teksa trajneri Begeja e ka patur gjithë grupin e lojtarëve në dispozicion. Durrsakët të enjten zhvilluan edhe një ndeshje miqësore me Dritën e Gjilanit, e cila ashtu si dy të parat me Flamurtarin e Erzenin, përfundoi në barazim. Tashmë kundërshtari do të jetë Pogradeci vendas dhe stafi teknik do të ketë mundësinë të shohë gjendjen e ekipit dhe të përmirësohet në ato pika ku kanë çaluar gjatë miqësoreve të tjera në mënyrë që të jenë gati për nisjen e kampionatit.