I adhuruar nga të gjithë tifozët e “Stamford Bridge”, caktimi i Jose Mourinho-s si trajneri i ri i Manchester United i ka shtangur shumë prej mbështetësve të Blues. Pasi është shkarkuar dy herë nga Chelsea, trajneri portugez e ndjeu jo pak mërzinë e tifozëve të Chelsea nëpër mediat sociale pas marrëveshjes me United gjatë majit. Teksa momentalisht është në Kinë për të vazhduar fazën përgatitore dhe për të bërë një turne veror me ekipe të ndryshme evropiane, Jose Mourinho është filmuar duke dhënë autografe nëpër bluzat e tifozëve. Një tifoz papritmas nxjerr një bluzë të Chelsea por Jose Mourinho refuzon ta nënshkruajë duke tundur kokën me një shikim që do të thoshte “jo më”.