15 dhjetor 2013- Është përfshirë nga flakët mesditën e sotme një banesë në kryeqytet, ku si pasojë ka mbetur e vdekur një e moshuar. Mësohet se viktima është 81 vjeçarja Margarita Shkurti e cila ndërroi jetë në spital. E moshuara mendohet se jetonte e vetme në banesë pasi në momentin e zjarrit nuk ka pasur persona të tjerë me të.   Sipas policisë e moshuara ka humbur jetën pasi nuk ka mundur të dalë dot nga banesa. Në vendngjarje kanë shkuar dy zjarrfikëse të cilat kanë bërë të mundur shuarjen e flakëve megjithëse banesa është djegur plotësisht. Sipas policisë zjarri dyshohet të ketë rënë në mënyrë aksidentale.