Zyrtarët ukrainas kanë bërë me dije se do të përdorin të gjitha rrugët ligjore ndërkombëtare për të sjellë Vladimir Putinin para drejtësisë pas raporteve se ai miratoi furnizimin e një sistemi raketor që rrëzoi fluturimin MH17 të Malaysia Airlines.
Prokurori i përgjithshëm i Ukrainës Andriy Kostin tha të mërkurën se rrugë të tilla po shqyrtohen pasi presidenti i Federatës Ruse nuk mund të ndiqet penalisht në gjykatat kombëtare.
Një arsye për këtë, tha ai, është për shkak të vështirësive në marrjen e provave, ndërsa ka rregulla në të drejtën ndërkombëtare të cilat mund t’i mbrojnë zyrtarët nga ndjekja penale nëse ata kanë vepruar në emër të shtetit.
Një ekip ndërkombëtar ka thënë se “ka indicie të forta” se Putini ka nënshkruar personalisht një vendim për të lejuar një sistem raketor rus në Ukrainë përpara se të përdorej për të rrëzuar MH17 mbi lindje të vendit në vitin 2014.
