Zahara Jolie-Pitt po merr mësime stili nga nëna e saj, Angelina Jolie dhe tani duket si një zonjushë e vërtetë.
Dje aktorja e famshme pozoi me pesë nga fëmijët e saj në tapetin e kuq për premierën e Marvel’s Eternals në Los Angeles. Për këtë rast, Zahara kishte veshur një fustan nga gardëroba e nënës së saj, veshje me të cilën Jolie u shfaq në Çmimet e Oscar 2014, stiluar nga Elie Saab Couture.
E gjithë familja ishte veshur me ngjyra neutrale për paraqitjen në tapetin e kuq.
“Fëmijët e mi janë të gjithë të veshur me vintage, dhe me fustanin tim të vjetër të Oscar. Ne i bëmë të gjithë vintage dhe ricikluam gjërat e mia të vjetra,” tha Jolie për ET në tapetin e kuq.
Jolie foli vitin e kaluar për admirimin që ka për Zahara-n, duke e vlerësuar atë si “një grua afrikane të jashtëzakonshme”.
“Vajza ime është nga Etiopia… Dhe unë kam mësuar shumë prej saj. Ajo është familja ime, por ajo është edhe një grua e jashtëzakonshme afrikane dhe lidhja e saj me vendin e saj, kontinentin e saj, është e saj dhe kjo është diçka që unë e adhuroj,” -tha Jolie për vajzën e saj.
Angelina e adoptoi Zahara-n në vitin 2005.
