Kourtney Kardashian dhe Travis Barker janë fejuar. Çifti ka bërë të ditur lajmin nëpërmjet një postimi romantik në Instagram në breg të detit.
Rrokeri 45-vjeçar i propozoi yllit të “KUWTK” ditën e diel, gjatë një perëndimi fantastik në plazhin e Montecito në Kaliforni.
Të rrethuar nga trëndafila të kuq dhe qirinj, ai i prezantoi bashkëshortes së ardhshme një unazë me diamant gjigand.
Kourtney ndau fotot nga propozimi romantik dhe shkroi në foto “Përgjithmonë Travis Barker”.
Më pas dyshja, e cila ka marrë emrin “Kravis” kaloi një darkë me familjarë e miq të afërt, ku sigurisht nuk munguan motrat e klanit Kardashian.
