Koncerti instrumental i fëmijëve të Durrësit, artistja 8-vjeçare triumfon sërish (FOTO+VIDEO)

Postuar: 31/03/2018 - 11:35

Në ambientet e Klubit të Artit dhe Kulturës në Durrës është organizuar koncerti instrumental me fëmijë të moshave të ndryshme, ku fituese u shpall nxënësja e talentuar, Adea Xhili.

Një koncert i përgatitur nga mësuesja Enisa Terniqi, ku 7 fëmijë të avancuar në programin e pianos konkuruan mes tyre duke interpretuar pjesë të ndryshme solo.

Terniqi tregon për “DurrësLajm” se artistët e vegjël të cilët i përkasin grupmoshës nga 6 deri në 10 vjeç, përgatiten prej 3 muajsh për këtë koncert me një repertor që kërkon kohë më të gjatë që të realizohet.

E ftuar nderi në koncert ishte pedagogia dhe pianistia e njohur, Ilda Mema, e cila me gjykimin e saj profesionist, zgjodhi edhe fituesen e çmimit special.

Melisa Doçi, Sadina Hoxhallari, Bjordi Mehmeti, Adem Allushi, Adea Xhili, Kiara Mihani dhe Amarda Zela, u vlerësuan me çmime të ndryshme si: çmimi për interpretim me ndjenjë, çmimi për nivel të lartë interpretimi, çmimi për nivel të lartë teknik si dhe dy çmimet e veçanta, ai i publikut, ku të pranishmit në sallë zgjodhën përmes votës nxënësen Amarda Zelo me vetëm një votë diferencë nga nxënësja Adea Xhili.

Nga ana tjetër, Xhili arriti të rrëmbejë çmimin special të mbrëmjes, atë të interpretimit më të mirë të koncertit, e gjykuar nga pedagogia dhe pianistja Ilda Mema, si dhe çmimin e interpretimit në nivel të lartë nga mësuesja Enisa Terniqi.

Loja në piano e 8-vjeçares triumfuese së këtij koncerti, Adea Xhili, ishte një ndër gjërat e veçanta që i lanë përshtypje pianistes Mema. Sipas saj, vogëlushja Xhili, bëri një interpretim korrekt me ndjenjë dhe vështërsia e repertorit të cilin lunate ajo, kapërcente limitet e moshës së saj, duke qenë se ky ishte koncerti i dytë solo për nxënësen e talentuar.

Për mësuesen Enisa Terniqi, e ardhmja e Xhilit duket premtuese dhe e suksesshme në piano, pasi është hera e dytë që fiton çmime të rëndësishme në konkurse me nxënës të cilët luajnë prej kohësh në këtë instrument.

Fëmijët fitues të çmimeve fitojnë të drejtën për të marrë pjesë në kompeticione të ndryshme brenda dhe jashtë vendit, tregon Terniqi. Ato do të performojnë në skenat e qyteteve si Shkodra, Saranda, Tirana etj, ndërsa për konkurset jashtë vendit, destinacionet konkrete të momentit janë Kosova dhe Italia.

G.D.

/portali DurresLajm/

Video: 
Na bëni like në facebook!: 

Lajme nga e njëjta kategori

   Qyteti i Durrësit nderon kolosin e pikturës Ibrahim Kodra, në 100-vjetorin e lindjes, duke zhvilluar disa aktivitete të ndryshme.

Dhjetëra nxënës të shkollave të mesme në Durrës kanë marrë pjesë në ekspozitën "Turizmi dhe Riciklimi".

Prej vitesh një prej autoriteve të arkeologjisë dhe letërsisë shqiptare Moikom Zeqo është duke vuajtur nga një sëmundje e rëndë.

Në galerinëe arteve pamore “Nikolet Vasia” të qytetit të Durrësit është çelur këtë fundjavë nje ekpozitë e veçantë me piktura t

Është ndarë nga jeta në moshën 60-vjeçare violinistja e njohur shkodrane, Viola Bajraktari.

   Hervin Çuli do të jetë Drejtori i Teatrit Kombëtar edhe për 4 vite të tjera.

   Nga Gladiola JORBUS

Nxënësit e shkollës së mesme "Leonik Tomeo" në Durrës, kanë zhvilluar në mjediset e Amfiteatrit një veprimtari mbresëlënëse, duke grumbul