Deputetët e Partisë Demokratike nuk do të marrin pjesë në mbledhjet e komisioneve parlamentare këtë javë.
Ky është vendimi i marrë në mbledhjen e grupit parlamentar të hënën në mbrëmje.
Mësohet se kryetari Basha ka deklaruar që fokusi i kësaj jave do të jetë tek mobilizimi i qytetarëve për problematikat në bashki dhe denoncimi i korrupsionit të qeverisë.
Po ashtu, Basha ka porositur që përqendrimi të jetë tek tenderët në duart e disa oligarkëve, gjendjen në shëndetësi dhe inceneratorët.
Ndërkohë, ish-kryeministri Sali Berisha ka thënë para deputetëve se kemi arsye të protestojmë për të burgosurit politik të Kukësit dhe të mbajmë lart sensin e protestës.
Ish-kryeministri mësohet të jetë shprehur: “Rama kalbësirë, duhet rrëzuar si Enveri. Jo gjithmonë duhet të jetë opozita që duhet t’i thotë njerëzve të ngrihen në protestë, ne do mbështesim çdo protestë të tyre”.
