Trupi juaj ndryshon ndërsa plakeni. Ju humbni masën e muskujve me një normë mesatare prej 3-5% për çdo 10 vjet pas moshës 35 vjeç dhe kjo mund të ndikojë në mënyrën e djegies së yndyrës.

Kur kjo ndodh, trupit tuaj nuk i duhet aq energji sa dikur. Por pse është më e vështirë të humbasësh peshë pas të 50-ve? Sipas ekspertëve, shkalla juaj metabolike apo aftësia e trupit tuaj për të djegur kalori ndërsa uleni në divan duke mos bërë asgjë, zvogëlohet me rreth 1-2% në dekadë për shkak të humbjes së masës së muskujve dhe rritjes së masës së yndyrës. Një nga gjërat më të mira që mund të bëni në çdo moshë është të ndryshoni rutinën tuaj dhe të provoni diçka të re.

Ndiqni këto këshilla, të cilat do t’ju ndihmojnë të bini nga pesha.

Flisni me mjekun tuaj për një plan të humbjes së peshës

Pasi të kaloni 50 vjet, bëni mirë të kaloni nga zyra e mjekut. Ai/ Ajo mund të vlerësojë gjendjen tuaj aktuale të shëndetit, të adresojë çdo problem shëndetësor që mund të ndikojë në peshën tuaj (si para-diabeti ose apnea e gjumit) dhe t’ju ndihmojë të hartoni një plan për dietë dhe stërvitje.

Kontrolloni hormonet tuaja

Ndërsa jeni në zyrën e mjekut, kërkojini që ai të kontrollojë nivelin e hormonit tuaj. Ndërsa ne plakemi, progesteroni, testosteroni dhe hormonet e tjera bien, gjë që e vë trupin për të ruajtur yndyrën. Mbajtja e hormoneve nën kontroll do t’ju ndihmojë të humbisni peshë. Ekzistojnë diskutime të bollshme në komunitetin mjekësor në lidhje me efektet e humbjes së estrogjenit, por pak njerëz janë të vetëdijshëm për rëndësinë e niveleve të mjaftueshme të testosteronit, të cilat mund të ndihmojnë një grua të humbasë peshë. Në fakt, studimi tregon se nivelet e balancuara të testosteronit ulin nivelin e glukozës në gjak, e cila mund të ndihmojë në promovimin e humbjes së peshës dhe tkurrjen e yndyrës kokëfortë të barkut.

Vendosni qëllime realiste

Të deklarosh se do të humbësh 20 kg para pushimeve apo muajin tjetër është joreale, për të mos përmendur jo të shëndetshme. Jini të sinqertë me veten tuaj. “Bërja e ndryshimeve në jetë kërkon guxim dhe forcë mendore”, thonë mjekët. Përqendrimi në mënyrën se si po ndiheni dhe ndryshimet pozitive që po i bëni në stilin e jetës suaj, do t’ju ndihmojnë të qëndroni të motivuar për të arritur qëllimet tuaja. “Triumfet e bëjnë guximin të rritet”, thonë po ashtu ekspertët.

Konsultohuni me një dietolog

Ka dhjetëra plane të ndryshme të ngrënies apo dietave që qarkullojnë në internet. Nëse nuk jeni i sigurt se cili funksionon më mirë për stilin e jetës tuaj, bisedoni me një dietolog, i cili t’ju ndihmojë të zgjidhni atë që u përshtatet nevojave dhe qëllimeve tuaja ushqyese.

Ushtroni aktivitet fizik

Sekreti për të humbur peshë mbi 50 është ky: Ndërtoni më shumë masë muskulore për të rritur metabolizmin tuaj. Stërvitja mund t’ju ndihmojë të rimarrni aftësinë për të humbur peshë.

Konsultohuni me një terapist fizik

Nëse një dhimbje në shpinë, gju, gjë e cila ju ka penguar të punoni rregullisht, lini një takim me një terapist fizik. Pas të 50- ve, shumë njerëz kanë pësuar lëndime dhe nuk e dinë se cilat janë opsionet e tyre të aktivitetit fizik. Marrja e këshillave nga një profesionist mund të ndihmojë vërtet. Terapia fizike gjithashtu mund t’ju ndihmojë të rehabilitoni një dëmtim të vjetër ose të lehtësoni dhimbjen e nyjeve dhe muskujve, duke ju vendosur ushtrime pa dhimbje.

Rishikoni dietën tuaj

Ashtu si muzika pop nuk është njësoj siç ishte kur ishit në të 30-t, metabolizmi juaj gjithashtu ka ndryshuar, që do të thotë se digjni rreth 250 më pak kalori çdo ditë. Pra, nëse vazhdoni të hani siç keni bërë në fillim të viteve 2000 dhe nuk e rritni ushtrimin tuaj, do të fitoni në mënyrë të pashmangshme në peshë. Eliminimi i ushqimeve të shpejta dhe zëvendësimi i tij me shumë fruta, perime, drithëra të plota dhe proteina mund t’ju ndihmojë po ashtu të humbisni peshë.

Ndryshoni si dhe kur hani

Nuk është vetëm ajo që ju hani, por mënyra se si ju hani kjo rëndësi pas të 50-ve. “Kur bëhet fjalë për humbje të shëndetshme dhe menaxhim të shëndetshëm, ne duam të arrijmë atë ekuilibër të rëndësishëm midis ngrënies derisa të ndihemi të plotë dhe të kënaqur ndërsa kemi ulur marrjen e përgjithshme të kalorive”, thonë ekspertët.

Kontrolloni stresin

Menaxhimi i stresit po ashtu ka rëndësi. Ju nuk zgjidhni sëmundjen, thonë mjekët, por ju zgjidhni stresin dhe është ai që zgjedh sëmundjen. Stresi mund t’ju bëjë të ndiheni të uritur gjithë kohës dhe kjo është në disfavorin tuaj.

Flini mjaftueshëm

Të bësh më të mirën për të marrë 7-8 orë kohë gjumë çdo natë, është thelbësore dhe ju ndihmon të humbisni peshë.

Praktikoni kujdesin për veten

Të kujdeseni për veten nuk duhet të shikohet si një luks. Gjestet më të vogla mund të bëjnë një ndryshim të madh në uljen e stresit, i cili mund të ndikojë shumë në humbjen e peshës tuaj. Plus, kur i tregoni vetes pak më shumë dashuri, ju mund ta përdorni atë energji për të bërë gjëra që mbështesin qëllimet tuaja, si të ushqeheni shëndetshëm, të ushtroheni dhe të meditoni.