Aktori Seymour Cassel, i njohur për bashkëpunimet e tij me John Cassavetes dhe Wes Anderson ka ndërruar jetë në moshën 84-vjeçare.
Vajza e tij, Dilyn Cassel Murphy konfirmoi lajmin të dielën e kaluar në Los Angeles pas komplikacioneve të shkaktuara nga sëmundja e Alzhajmer.
Cassel, luajti përgjatë një periudhe 60-vjeçare në filma të ndryshëm. Ai u nominua për rolin e aktorit dytësor në çmimet Oscar për filmin e vitit 1968 ‘Faces’ (në shqip: ‘Fytyrat’) me regjisurë të John Cassavetes.
Filmi shënoi një periudhë bashkëpunimi 30-vjeçare midis aktorit dhe regjisorit duke vazhduar të luajë dhe ne filma të tjerë të tij "Minnie dhe Moskowitz" në vitin 1971; "The killing of a Chinese bookie"( në shqip: "Vrasja e një lexuesi kinez") në vitin 1974 dhe "Love streams" (në shqip: Lumenjtë e dashurisë) në vitin 1984. Cassel vazhdoi të luante ne role të vogla deri në vitin 2014 kur u tërhoq nga aktrimi.
