Ministrja e Mbrojtjes, Olta Xhaçka ka zhvilluar një takim me banorët, punonjësit dhe bizneset e Qendrës Balneare në Peshkopi (burimi termomineral i llixhave). Ministrja Xhaçka u tha banorëve vendimin e anulimit të dhënies në përdorim për 5 vjet të ujërave termale.
“Vendimi i Këshillit të Basenit të Ujërave Buna-Drini anulohet. Vendimi i Këshillit të Basenit Drini – Buna na ka shqetësuar të gjithëve. Vendimi eshte i marrë në mungesë të plotë transparence dhe abuziv. Përfaqësuesit e qeverisë në atë këshill janë përballur me faktin e kryer dhe kanë debatuar kundër vendimit. Nga hetimi administrativ që ka bërë zyra e kryeministrit, vendimi do të anulohet. Përgjegjësit e këtij vendimi do të marrin përgjegjësitë’,- u shpreh Xhaçka.
Xhaçka kërkoi administrim më të mirë të burimit termomineral të llixhave. Ministrja bisedoi me bizneset edhe për zhvillimin e mëtejshëm të llixhave.
