Banorët e zonës së Astirit në Tiranë, banesat e të cilëve preken nga projekti i Unazës së Re vijojnë protestën në ditën e 71-të të tyre.
Në mbështetje të protestës ishin edhe deputetët e opozitës. Në fjalën e tij, deputeti demokrat Klevis Balliu, u shpreh se forca e qytetarëve do rrëzojë qeverinë e korruptuar të Ramës.
“Sot duhet të përshëndes banorët e Bulevardit të cilët bllokuan rrugën. Çdo qytetari kërkon t’u hyjë në shtëpi për t’i shkatërruar shtëpitë. Forca e qytetarëve do rrëzojë qeverinë e korruptuar. Do të të marrin qytetarët zvarrë dhe të çojnë në dyert e gjykatës për të dhënë shpjegime për krimet që ke bërë”, tha Balliu.
