I ftuar në "Thumb", balerini i njohur Graciano Tagani ka bërë të ditur se prej tre javësh nuk është më pjesë e trupës së baletit të Albi Nakos, në Klan Tv.
Gjatë promos së emisionit të së shtunës, Graciano thotë se është pushuar nga puna me një mesazh dhe nuk e priste këtë pasi me Albin kishte edhe miqësi.
"Nuk jam më, tashmë prej tre javësh. Një njeri i madh si Albi mund të pushojë nga puna vetëm nga WhatsApp-i me një mesazh. Unë Albin nuk e kam pasur vetëm koreograf, e kam pasur mik dhe minimalisht nga një mik e pret që të të japë një sqarim të paktën", është shprehur Graciano në "Thumb".
