Arrat janë të shëndetshme dhe kjo dihet, por shkencëtarët zbulojnë efektet e tjera pozitive që ato kanë tek zemra, si edhe në kontrollin e peshës normale.

Dy studime amerikane janë prezantuar në Kongresin e Sëmundjeve Kardiake në Chicago. Njëri prej tyre ka analizuar një pjesë të popullsisë amerikanë dhe sesi ndikojnë në mbajtjen e një peshe normale trupore të zgjatur në kohë, ndërsa studimi tjetër ka ekzaminuar popullsinë në Brazil.

Rezulton se arrat dhe lajthitë japin ndjesinë e ngopjes, si dhe përmirësojnë përgjigjet e glukozit dhe të insulinës.

Shpesh njerëzit i konsiderojnë arrat si shumë të pasura me yndyrna dhe kalori, por në fakt janë shumë më të shëndetshme se shumë ushqime të tjera që konsumohen kryesisht mes vakteve.

Ekspertët shpjegojnë se ato nuk ndikojnë në shtimin e peshës, përkundrazi janë rregullator i mirë.