Me supersfidën Partizani-Skënderbeu, të fituar me rezultatin 0-2 nga korçarët, u mbyll edhe java e 10 e Kategorisë Superiore, që solli edhe rokadën në krye të renditjes, me kampionët në fuqi, që u rikthyen në vendin e parë.
Java e 11 do të luhet këtë fundjavë, e ndarë mes ditës së premte dhe të shtunë, ndërsa premton sfida mjaft interesante, ku vëmendja do të jetë e përqendruar në Elbasan dhe Tiranë.
Kjo pasi në “Elbasan Arena”, Kukësi do të presë skuadrën e Flamurtarit, në një sfidë që premton të jetë spektakolare, për vetë forcën e dy ekipeve dhe synimeve që ato kanë.
Ndërkohë, në Durrës do të udhëtojë Tirana e Ardian Memës, që mbetet e zhytur në krizë rezultatesh dhe do të kërkojë kthesën ndaj Teutës, që nga ana e saj nuk humb prej disa javësh.
Kryesuesit pritet të kenë një sfidë të lehtë në letër, pasi do të presin në stadiumin “Skënderbeu”, krutanët e Kastriotit, që mbajnë vendin e fundit në renditjen e kampionatit, ndërsa Partizani do të impenjohet në përballjen me Kamzën, po në “Selman Stërmasi”.
E premte:
Kukësi-Flamurtari 18:00
Teuta-Tirana 18:00
E shtunë
Luftëtari-Laçi 14:00
Partizani-Kamza 17:00
Skënderbeu-Kastrioti 17:00
