Rexhep Rraja, djali i deputetit socialist Rrahman Rraja, do të dalë sërish në Gjykatë për dosjen "Xhisiela", kësaj here në gjykatën e Apelit Tiranë.
Përmes avokatit të tij, djali i deputetit ka paraqitur kërkesën në Apel për lirimin e tij nga paraburgimi.
Gjyqtarja Shpresa Becaj do të shqyrtojë kërkesën e Rrajës për liri dorëzuar që më 8 tetor, ndërsa hetimet për këtë dosje janë ende të hapura nga prokurorja Mirela Kapo.
Rexhep Rraja u arrestua më 30 shtator 2018, i akuzuar për përndjekjen e ish-të dashurës së tij Xhisiela Maloku.
Por kjo e fundit nga ana tjetër ka deklaruar se me Rexhepin ka pasur vetëm marrëdhënie xhelozie dhe se ai nuk e ka keqtrajtuar apo dhunuar.
