Gjashtë anëtarë të një familjeje nga Durrësi mbetën të lënduar lehtë, pasi makina tip “Volvo” me të cilën ata po udhëtonin, u përplas me trenin e linjës Durrës-Elbasan. Ata kanë shpëtuar për mrekulli, teksa janë shtyrë përreth 100 metra nga treni.

Policia e Durrësit, në njoftimin e saj paraprak për mediet, bën me dije se:

“Më datë 17.08.2018, rreth orës 09:10, në zonën e Shkëmbit të Kavajës, treni i udhëtarëve i linjës Durrës -Elbasan është përplasur me një mjet tip Volvo me targa angleze me drejtues shtetasin B. C. rreth 40 vjeç, banues në Durrës, i cili në mjet ka qenë me bashkëshorten dhe katër fëmijët.

Shtetasit e mësipërm ndodhen në Spitalin Rajonal Durrës jashtë rrezikut për jetën”.

Familja përbëhet nga:

Prindërit: Bardhyl Cenalia 40 vjeç, Lucia Cenalia (nëna me shtetësi të huaj) 38 vjeçe

Fëmijët: E.C. 4 vjeçe; D.C. 5 vjeç; L.C. 8 vjeç dhe O.C. 2 vjeç.

Ndërkohë, grupi hetimor po punon për sqarimin e rrethanave të ngjarjes.