Kujdes kur prisni policë sigurimi për makinën në Durrës

Dy shtetas me banim në Itali kanë denoncuar dy shoqëri private në Durrës, pasi kanë lëshuar policë sigurimi Kufitare të falsifikuar për mjetet e tyre.

Policia nuk jep detaje të tjera rreth këtyre shoqërive private, ndërkohë që thotë se po punon për identifikimin dhe kapjen e autorëve përgjegjës.

Njoftimi i policisë:

*Më datë 05.01.2018, në PKK, Port Durrës, shtetasi N.K, vjeç 37, banues Itali, ka bërë kallëzim se, më datë 22.12.2017, ka prerë një siguracion policë sigurimi Kufitare e një shoqërie private për mjetin tip “Lancia Pedra”, të falsifikuar. Punohet për identifikimin dhe kapjen e autorit. Neni 190 i Kodit Penal.

*Më datë 05.01.2018, në PKK, Port Durrës, shtetasi I.K, vjeç 33, banues Itali, ka bërë kallëzim se, më datë 25.12.2017 ka prerë një policë sigurimi Kufitare e një shoqërie private për mjetin tip “Ford”, të falsifikuar. Punohet për identifikimin dhe kapjen e autorit. Neni 190  i Kodit Penal.