Banesat e dy pjesëtarëve të Forcave të Sigurisë së Kosovës, të komunitetit serb, janë sulmuar me mjete shpërthyese në Zubin Potok.
Për këtë ngjarje ka reaguar dhe Kryeministri Ramush Haradinaj. Kreu i qeverisë kosovare thekson se sulmi me mjete shpërthyese është akt i papranueshëm që cenon jetë njerëzish. Sipas Haradinajt, kjo ngjarje synon të mbajë në tension qytetarët e vendit.
Nëpërmjet një reagimi, ai kërkoi nga organet e rendit që sa më shpejt të zbardhet akti kriminal dhe të kapen autorët e sulmit.
