Tetë persona të plagosur janë rregjistruar pasditen e sotme në Gramsh, ku një mjet i tipit ‘Fuoristradë’ si pasojë e rrëshqitjes ka dalë nga rruga.
Mësohet se tetë pasagjerët e lënduar janë 5 fëmijë dhe 3 të rritur, të cilët ndodhen jashtë rrezikut për jetën dhe janë transportuar drejt spitalit për të marrë mjekimin e nevojshëm.
Njoftimi i policisë:
Më datë 17.11.2017 në fshatin Bërsnik i Sipërm mjeti autoveturë tip Fuoristradë me targa AA 572 EZ drejtuar nga shtetasi K.D., 30 vjeç banues në fshatin Posnovisht ka dalë nga rruga.
Si pasojë është dëmtuar vetë drejtuesi i mjetit i cili ndodhet në gjendje të rëndë.
Gjithashtu janë dërguar për ndihmë mjekësore në Spitalin e Gramshit pasagjerët shtetasit;
N.H., 55 vjeç, M.A., 25 vjeç, K.F., 9 vjeçe, E.V., 8 vjeçe, A.Sh., 8 vjeçe, L.V., 10 vjeç dhe H.V., 9 vjeçe.
Policia ndodhet në vendngjarje dhe po punon për përcaktimin e shkaqeve të aksidentit.
