Familja e biznesmenit Ylli Salla, banesa e të cilit u grabit sot në mëngjes, ka vënë në dispozicion një shumë të konsiderueshme parash për të gjithë ata që japin informacion për identifikimin e autorëve.
Vajza e biznesmenit, Suzana Salla, ka vënë në dispozicion dy numra telefoni celular për të dhënë informacione rreth identitetit të autorëve.
“Unë Suzana Salla, e bija e biznesmenit Y. Salla, në emër të familjes sime deklaroj se vëmë në dispozicion të personave që kontribuojnë për identifikimin e autorëve dhe zbardhjen e menjëhershme të vjedhjes së banesës së familjes sonë një shumë të konsiderueshme parash.
Ky shpërblim vlen për çdo informacion që mund të na jepni në numrat e celularit 0692083170 dhe 0696012332 dhe kushdo që ka parë vjedhësit duke qarkulluar mëngjesin e sotëm me makinat me targa AA393PV dhe HP565J”.
Dy persona kanë grabitur mëngjesin e sotëm banesën e biznesmenit në fshatin Mengel, duke marrë prej andej dy makina si dhe një shumë të konsiderueshme parash.
Paraprakisht dyshohet se grabitja ka qenë e mirëorganizuar, pasi familjarët pavarësisht se ishin në banesë, nuk kanë kuptuar asgjë dhe vetëm në mëngjesin kanë konstatuar mungesën e makinave dhe kasafortës me një shumë të konsiderueshme parash.
Ata denoncuan grabitjen në policinë e Elbasanit, e cila thekson se po punon për zbulimin dhe arrestimin e autorëve.
Biznesmeni Ylli Salla është dhunuar barbarisht në fillim të këtij viti.
