Policia e Tiranës ka finalizuar me sukses operacionin e koduar “CHAT LINE 3”, ku ka shkatërruar “folezën” e prostitucionit online e në pranga kanë rënë 7 persona, mes tyre edhe femra. Në këtë studio shfrytëzoheshin vajza të reja për prostitucion virtual.
NJOFTIMI I POLICISË
"Finalizohet me sukses operacioni policor i koduar “CHAT LINE 3”. Policia e Tiranës arreston administratoren e studios dhe 6 shtetas të tjerë. Shfrytëzonte vajza të reja për prostitucion virtual. Procedohet në gjendje të lirë një 17 vjeçare. Sekuestrohen 9 njësi kompjuteri, 9 ekrane kompjuteri, 9 kamera për komunikim online, 2 lap-topë dhe lodra seksuale. Seksioni për Hetimin e Trafiqeve të Paligjshme pranë Sektorit për Hetimin e Krimit të Organizuar në D.V.P. Tiranë, në kuadër të operacionit policor të koduar “Chat line 3”, më datë 06.09.2017, arrestoi shtetasit :
- Dafina Tresa, 32 vjeçe, banuese në Tiranë, administratore e studios “Chat Line”.
- Artur Bakalli, 33 vjeç, banues në Tiranë.
- Xh.B., 21 vjeçe, banuese në Tiranë.
- A.B., 20 vjeçe, banuese në Tiranë.
- E.D., 21 vjeçe, banuese në Tiranë.
- K.B., 19, vjeçe, banuese në Tiranë.
- A.K., 19 vjeçe, banuese në Tiranë.
Materialet iu Referuan Prokurorisë së Rrethit Gjyqësor Tiranë, për veprat penale “Shfrytëzim të Prostitucionit” dhe “Mbajtjes së lokaleve për prostitucion”, neni 114 dhe 115 i Kodit Penal, për shtetasen Dafina Tresa, për veprën penale “Shfrytëzim i Prostitucionit”, parashikuar nga neni 114 i Kodit Penal, për shtetasin Artur Bakalli, ndërsa për shtetaset Xh.B., A.B., E.D., K.B., A.K., dhe E.D., për veprën penale të “Prostitucionit”, parashikuar nga neni 113 i Kodit Penal."
