Dëmtime në dorë e brinjë, 38-vjeçarin që kishte dalë për vrap e bëjnë për spital

Tre persona të paidentitifikuar kanë sulmuar një 38-vjeçar nga Vlora ndërsa bënte vrap në mëngjes.

Policia sqaron se konflikti  ka ndodhur për motive të dobëta, ndërsa 38-vjeçari ka përfunduar në spital me dëmtime në dorë e brinjë me mjet prerës.

DEKLARATA E POLICISË

Më datë 16.08.2017, Salla Operative Vlorë Njoftohet nga Spitali Rajonal Vlorë se atje kishte shkuar një shtetas i cili kishte dëmtime në dorë edhe në brinjë, me mjet prerës.

Policia ka shkuar menjëherë, dhe nga verifikimi paraprak ka rezultuar të jetë shtetasi K.D., 38 vjeç, banues në Vlorë, i cili duke bërë vrap në “Plazh të vjetër”, tre shtetas (të panjohur prej tij dhe të paidentifikuar ende nga policia), i janë afruar dhe për motive të dobëta kanë nisur të konfliktohen.

Gjatë konfliktit të çastit, tre shtetasit e kanë goditur shtetasin K.V., me mjete të ftohta prerëse, dhe janë larguar.

I dëmtuari pasi ka marrë mjekimin e nevojshëm në Spitalin Rajonal Vlorë, dhe ka qënë jashtë rrezikut për jetën është larguar për në banesën e tij.

Policia po vazhdon hetimet për dokumentimin e plotë të ngjarjes dhe për identifikimin e kapjen e autorëve.