Një atentat me armë zjarri ka ndodhur para pak minutash tek kryqëzimi i Komunës së Parisit, në kryeqytet.
Një 24-vjeçar me inicialet L.H. ka mbetur i plagosur.
Sipas policisë, ka pasur shkëmbim zjarri mes disa mjeteve.
Ndërkohë policia është në vendngjarje dhe ka nisur hetimet.
Njoftimi i policisë:
Më datë 03.08.2017, në Numrin e Emergjencave 112, rreth orës 19:55, ka ardhur një telefonatë për shkëmbim zjarri në kryqëzimin e Komunës së Parisit.
Në vendngjarje kanë mbërritur shërbimet e policisë dhe ambulanca.
Nga hetimet paraprake ka rezultuar se ka pasur një shkëmbim zjarri midis disa mjeteve, ku për pasojë ka mbetur i plagosur në shpatull shtetasi L.H., 24 vjeç, i cili ndodhet në spital nën kujdesin e mjekëve.
Janë ngritur pika kontrolli në hyrje-dalje të qytetit. Vazhdon krehja e zonës.
Grupi hetimor po punon për identifikimin dhe kapjen e autorëve dhe zbardhjen e plotë të rrethanave të ngjarjes.
