Kur kanë kaluar 3 javë nga vrasja e Ervin Dalipajt dhe Xhino Dautit duket se hetimet kanë mbetur në vend. Grupi hetimor gjatë kësaj kohe nuk ka arritur të gjejë prova të reja, të cilat mund të identifikojnë autoret e krimit. Prokurorisë së Durrësit, e cila po kryhen hetimet, i mungojnë dy të dhëna të rëndësishme, të cilat mund të hedhin dritë mbi vrasjen mafioze.
E dhëna e parë, e cila ende nuk është admnistruar nga hetuesit, janë kamerat e sigurisë të një servisi, ku dy viktimat kanë qëndruar përpara se të vriteshin. Gjithashtu prokurorët e çështjes ende nuk kanë pyetur pronarit e mjetit “Audi”, me të cilin udhëtonin dy viktimat.
Makina ishte në pronësi të E. Hoxhaj, i cili sipas policisë nuk është gjetur, pasi ndodhet jashtë vendit. Sipas të dhënave të sistemit TIMS, ai ndodhet në Gjermani. Për prokurorët dëshmia e tij është e rëndësishme për hetimin, por pa specifikuar të dhënat që Hoxhaj mund të dijë në lidhje me ngjarjen.
Ervin Dalipaj dhe Xhino Dauti u qëlluan për vdekje ne 25 prill në Sukth të Durrësit. Policia dhe Prokuroria po hetojn në disa pista, por më kryesorja është ajo e larjes së hesapeve mes grupeve kriminale. /Tv Klan
