Linda Halimi do të jetë një nga të ftuarat e emisionit “Thurje”, që prej disa vitesh drejtohet nga moderatorja e njohur Jonida Vokshi.
Dhe ashtu siç e do “zakoni”, këngëtarja i ka bërë publicitet emisionit ku do të shfaqet nëpërmjet një statusi në Facebook.
“Më shihni në kanalin T, “Digitalb” në orën 21.00”, – shkruan Linda. “Emisioni “Thurrje” me Jonida Shehun”.
Në statusin e këngëtares ka një problem të “vogël”… moderatorja nuk quhet Jonida Shehu, por Jonida Vokshi dhe “Thurje” shkruhet me një “r”. Madje këtë lapsus të këngëtares e kanë vënë re edhe ndjekësit e saj, duke e korrigjuar këngëtaren e këngës “Botë”.
Por fundja ç’rëndësi ka kjo! E rëndësishme është që Linda të shkëlqejë në Eurosong! /Blitz.al/
