Para, bizhuteri dhe makinë i janë vjedhur një banori të Shkallnurit në Durrës.
Policia bën me dije se hajdutët kanë mësyrë ditën e djeshme në banesën e shtetasit S.D., 61 vjeç, në Shkallnur, ku kanë marrë një sasi lekësh e bizhuteri.
Por si rrallëherë më parë, kur hajdutët që vjedhin sende me vlerë dhe para brenda ambienteve të shtëpisë e largohen me aq, në këtë rast autorët i kanë marrë edhe makinën të zotit të shtëpisë.
Mjeti ka qenë i tipit “Ford Fiesta”, thuhet në njoftimin e policisë.
Ka nisur puna për identifikimin dhe kapjen e autorëve.
