Operacioni i tij kushtonte rreth 7500 euro, por askush nuk e ndihmonte për shkak të procedurave burokratike, pasi nuk mund të operohej pa pagesë.
Edhe pse ishte i sëmurë është dëbuar në Shqipëri, pasi ky vend llogaritet si i sigurt. Kjo është historia e Ilir Shalës nga Shqipëria, të cilit nuk iu miratua kërkesa e azilit, shkruan albinfo.ch.
Ai tashmë së bashku me fëmijët e tij dhe gruan është dashur të kthehet me avion. Shala ishin vendosur në Greven për vitin e ri në 2014-n, duke kërkuar jetë më të mirë.
Por, kjo përpjekje dështoi, pasi Shqipëria llogaritet një vend i sigurt dhe kështu azili nuk i është miratuar. Ai qëndroi në Gjermani, pasi kishte probleme shëndetësore.
Ai ishte i varfër në Shqipëri, ka probleme me kockat, ka lëvizshmëri të kufizuar dhe nuk mund të ecë siç duhet. Edhe mjekët gjermanë e kanë diagnostikuar me sëmundje dhe shqiptari nuk ka simuluar.
Tashmë ai është kthyer në Shqipëri, me shpresën se do të shërohet.
