Valon Berisha është lojtari i fundit që i bashkohet përfaqësueses së Kosovës. Mesfushori 23- vjeçar ka vendosur të largohet nga Norvegjia, për t’iu bashkuar thirrjes së Kosovës.  Berisha që ka lindur në Malmo, ka qenë pjesë e të gjitha grup moshave të Norvegjisë, ndërsa për kombëtaren ai ka zhvilluar 19 paraqitje dhe ka shënuar një gol, shkruan Lajmi.net. Ai aktivizohet në Austri te skuadra e njohur Salzburg, ku është lojtar i rregullt. Në faqen ‘Transfermarkt’ e cila merret me vlerat e futbollistëve, Berisha vlerësohet 2.5 milionë euro. Ardhja e Berishës, rrit konkurrencën dhe cilësinë në mesfushën e Kosovës.