Një aksident i frikshëm është regjistruar në një nga autostradat e Triestes, Itali.
Një automjet Lancia Y, brenda të cilit ndodheshin 4 të rinj është përplasur me trafikndarësen e rrugës.
Nga shpejtësia dhe forca e përplasjes, trafikndarësja ka përfudnuar duke shpuar tej për tej makinën.
Dy të rinj 22-vjeçarë, një djalë dhe një vajzë, kanë vdekur në vend, ndërkohë që edhe dy pasagjerët e tjerë janë në gjendje mjaft të rëndë në spital.
Është dashur ndërhyrja e zjarrfikësve për të prerë hekurat e trafikndarëses në mënyrë që të nxirreshin jashtë makinës së shkatërruar trupat e të plagosurve.
Sipas policisë italiane ende nuk janë zbardhur rrethanat e aksidentit tragjik.
