Një apartament në një pallat shumëkatësh në lagjen nr.6 në Durrës është përfshirë nga flakët mbrëmjen e sotme.
Sipas informacioneve paraprake, zjarri ka rënë në një apartament në katin e 7-të të pallatit.
Nuk dihet ende nëse në banesë ka pasur njerëz në momentin e shpërthimit të flakëve.
Efektivët e zjarrfikëses janë në vendngjarje dhe po punojnë për shuarjen e flakëve dhe parandalimin e përhapjes së tyre në apartamente të tjera.
Paraprakisht nuk ka informacione për njerëz të lënduar, por vetëm dëme materiale.
Nuk dihet ende se çfarë e shkaktoi zjarrin në apartament, që rrezikoi të përhapej edhe më tej.
